សមត្ថកិច្ចធ្វើការកោះហៅក្រុម​គ្រូតឿមកអប់រំ និងហាមជាដាច់ខាតមិនឲ្យផលិតវីដេអូបង្ហោះបរិភោគត្រីឆៅ និងវីដេអូផ្សេងៗទៀត

ខេត្តកណ្តាល : ក្រុមគ្រូតឿចំនួន៦នាក់ ដែលបានផលិតវីដេអូសុីត្រីអណ្តែងឆៅ និងវីដេអូផ្សេងៗទៀតមិនសមរម្យ ហើយបង្ហោះលើគណនីហ្វេសប៊ុកឈ្មោះ Tran Ngoc Trang 

រងការរិះគន់ពីសាធារណជន និងសំណូមពរឲ្យសមត្ថ​កិច្ចមានវិធានការណ៍លើក្រុមនោះ ។ 

នៅថ្ងៃទី៦ ខែ​មករា ឆ្នាំ២០២៤ វេលាម៉ោ ៤រសៀល សមត្ថកិច្ចធ្វើការស្រាវជ្រាវកោះហៅក្រុម​នេះមកអប់រំ និងហាមជាដាច់ខាតមិនឲ្យផលិតវីដេអូបង្ហោះបរិភោគត្រីឆៅ និងវីដេអូផ្សេងៗដែលមិនសមរម្យទៀតឡើយ ។

ក្រោយពីទទួលបានការណែនាំពីសមត្ថកិច្ចនគរបាល ក្រុមសម្ដែងគ្រូតឿ បានបង្ហោះវីដេអូធ្វើការសុំទោសជាសាធារណៈចំពោះការសម្ដែងរបស់ក្រុមខ្លួន ដែលធ្វើឲ្យប៉ះពាល់ដល់មតិសាធារណជនមិនពេញចិត្ត និងសន្យាកែ​តម្រូវ​និងឈប់ផលិតវីដេអូទាំងនោះទៀតហើយ ។

កន្លងមក ក្រុមគ្រូតឿនេះ បានផលិតវីដេអូ សុីអាច់ម៏គោ ត្រូវបានសមត្ថកិច្ចហៅមក អប់រំណែនាំ ម្តងរួចមកហើយ ។