ខ្មាន់កាំភ្លើងជាឃាតកបាញ់សម្លាប់ប្ដីនិងប្រពន្ធ នៅស្រុកខ្សាច់កណ្ដាលដោយមិនទាន់ដឹងមូលហេតុ..

(ខេត្តកណ្ដាល) ហេតុការណ៍នេះ បានកើតឡើង នៅផ្ទះរបស់ជនរងគ្រោះ ស្ថិតនៅភូមិថ្មី ឃុំសន្លុង ស្រុកខ្សាច់កណ្ដាល ខេត្តកណ្ដាល កាលពីវេលាម៉ោង៣.៣០នាទីទាបភ្លីថ្ងៃទី១២.០៨.២០២៣..។

ជនរងគ្រោះជាប្ដីមានឈ្មោះ ម៉ុច ម៉ៅ និងប្រពន្ធឈ្មោះ គល់ ហាន់។លោក ម៉ែន សុខឃឿន អធិការស្រុកខ្សាច់កណ្ដាល បានថ្លែងប្រាប់«សារព័ត៌មាន»ថាៈ ពិតជាមាន ករណីឃាតកម្មបាញ់សម្លាប់ប្ដីនិងប្រពន្ធ ពិតប្រាកដមែន ដោយបច្ចុប្បន្ន សមត្ថកិច្ចកំពុងស្រាវជ្រាវទាក់ទងករណីឃាតកម្មនេះផងដែរ កាលពីកន្លងទៅថ្មីៗ ក្រុមគ្រួសារជនរងគ្រោះ ត្រូវបានគេកាប់សុះសាច់ ទាំងយប់ស្ទើរស្លាប់ម្តងរួចទៅហេីយនៅក្នុងទ្រង់ទា របស់ជនរងគ្រោះ ដែលស្ថិតនៅភូមិឃុំខាងលើ រហូតមកទល់ពេលនេះ ពុំទាន់រកមុខជនដៃដល់ ឃើញនៅឡើយ។

សូមបញ្ជាក់ថា   ប្ដីប្រពន្ធ២នាក់ ត្រូវបានខ្មាន់កាំភ្លើង លួចបាញ់បណ្ដាលឱ្យស្លាប់ភ្លាមៗ ក្នុងថ្លុកឈាម នៅក្រោមផ្ទះតែម្ដង។